DIVExFabrika Sessions: Trotsky
12.10.2018
იწყება
22:00
სრულდება
01:00
პროდიუსერმა და დიჯეი Trotsky-იმ, იგივე რატი ხაზალიამ, დაკვრა 2009 წელს სამოყვარულო დონეზე დაიწყო. 2011 წელს კაფე-გალერიში Trotsky მსმენელის წინაშე სადებიუტო სეტით წარსდგა. საწყის ეტაპზე, რატი პოსტ დეტროიტულ ელექტროს უკრავდა, თუმცა თანდათან მისი მუსიკალური ორიენტაციაც შეიცვალა. ამ ეტაპზე პროდიუსერი ჰაუს, Tribal, დაბ, ელექტრო, Micro House და მინიმალ ტექნო ჟღერადობებზე არის ფოკუსირებული. დაკვრასთან ერთად Trotsky ვინილებსაც აგროვებდა და სამი წლის განმავლობაში 200-ზე მეტ რელიზს მოუყარა თავი. პროდიუსერისათვის მუსიკალური თვალსაზრისით გამორჩეული არტისტები Miles Davis, Herbie Hancock და Charles Mingus არიან. Trotsky-ს აზრით მუსიკა ინსტრუმენტია, რომელსაც ხალხის დაკავშირება სამეტყველო ენის გარეშე შეუძლია.