menu

1 ოქტომბერს, Fabrika • ფაბრიკა-ში მდებარე “არტ ბოქსებში” მოეწყობა ილუსტრატორის Dion MBD – ის გამოფენა სახელწოდებით “Sleep”. ილუსტრაციები შექმნის ინსპირაცია გახდა ძილის ნაკლებობა, რასაც სტუდენტები განიცდიან.

დიონი არის ილუსტრატორი, რომელიც ქმნის ყოველდღიური ყოფიერების სიურეალისტურ გამოსახულებებს. ის ძირითადად სარედაქციო და საგამომცემლო მიმართულებით მუშაობს, თუმცა ტანსაცმლის წარმოების, ბრენდინგის და სატელევიზიო სფეროშიც მოღვაწეობს. დიონს შექმნილი აქვს ნამუშევრები საგაზეთო გამოცემისთვის და ჟურნალისთვის The New York Times და National Geographic Magazine Indonesia , ასევე ანიმაციის, ვიზუალური ეფექტების, ვიდეო თამაშების და რეკლამების შემქმნელი მსოფლიოში ცნობილი კომპანიისთვის Psyop TV. პერიოდულად მონაწილეობას იღებს კონკურსებში – 2017/2018 წლებში იყო ილუსტრატორთა საზოგადოების სტუდენტი და გახდა ჟურნალის Creative Qurterly-ის 51-ე გამოცემის მეორე ადგილის გამარჯვებული. დიონის შესახებ მეტი ინფორმაციისთვის ეწვიეთ საიტსwww.dionmbd.com